बालवैज्ञानिक प्रदर्शनाला उदंड प्रतिसाद

बालवैज्ञानिक प्रदर्शनाला उदंड प्रतिसाद
विरार (बातमीदार)ः वसई तालुक्यातील ५३वे बालवैज्ञानिक प्रदर्शन विरार पूर्वेकडील खानिवडे येथील प्रतिभा विद्यामंदिर येथे १० व ११ डिसेंबरला झाले. तालुक्यातील दीडशेपेक्षा जास्त शाळांनी या प्रदर्शनात सहभाग घेतला. पूर्व प्राथमिक, माध्यमिक, दिव्यांग विद्यार्थी गट आदिवासी विभागातील शालेय गट याप्रमाणे पारितोषिक वितरण करण्यात आले. मंडळाचे कोषाध्यक्ष दीपक कुलकर्णी, विस्तार अधिकारी दीप्ती संख्ये, प्रकाश उबाळे, रवींद्र घरत, वसई तालुका विज्ञान अध्यापक मंडळाचे पदाधिकारी, प्रतिभा विद्यामंदिरचे मुख्याध्यापक महेश कुडू यांच्या हस्ते पारितोषिक वितरण झाले. या प्रदर्शनात कै. पांडुरंग रघुनाथ पाटील उत्कर्ष माध्यमिक विद्यालयाला दिव्यांग गटात प्रथम पारितोषिक मिळाले. तर माध्यमिक गटात प्रतिभा विद्यामंदिर खानिवडे प्रथम पारितोषिकाचे मानकरी ठरले.