नालासोपारातील प्रवेश निर्विघ्न

नालासोपारातील प्रवेश निर्विघ्न
रस्ते काँक्रीटीकरणासाठी ‘एमएमआरडीए’कडून पाहणी
विरार, ता. १३ (बातमीदार)ः मुंबई-अहमदाबाद महामार्गावरून नालासोपारा, विरार शहरांना जोडणाऱ्या पेल्हार ते नालासोपारा, विरार फाटा ते विरार शहरापर्यंतच्या दोन मुख्य रस्त्यांच्या काँक्रीटीकरण केले जाणार आहे. या कामांच्या हद्द निश्चितीचे काम महापालिकेकडून सुरू आहे.
मुंबई-अहमदाबाद महामार्गावरून पेल्हार ते नालासोपारा आणि विरार फाटा ते विरार शहर रस्त्यांच्या काँक्रीटीकरणाची मागणी अनेक वर्षांपासून होती. या रस्त्यांबरोबरच पालिका क्षेत्रातील रस्ते व रेल्वेमार्गावरील उड्डाणपुलांच्या कामासाठी आमदार राजन नाईक यांनी पाठपुरावा केला. एमएमआरडीचे अधीक्षक अभियंता चेतन बेंडाळे, कार्यकारी अभियंता सुरेंद्र शेवाळे, वसई-विरार महापालिकेचे शहर अभियंता प्रदीप पाचांगे, उपअभियंता सूर्यवंशी यांनी पाहणी केली. या वेळी नालासोपारा पश्चिम पोलिस ठाणेच्या बाजूने वसई स्थानक सनसिटीला जोडणाऱ्या नियोजित रस्त्याची, नारंगी उड्डाण पूल ते आगाशीपर्यंतच्या नियोजित रस्त्याची पाहणी करण्यात आली. तसेच तत्काळ प्रस्ताव सादर करण्याचे निर्देश महापालिकेला दिले.
--------------------
बीकेसीच्या धर्तीवर विकास
- वसई-विरार महापालिकेच्या हद्दीतील आचोळे, दिवाणमान परिसरात सरकारी मालकीची पंधराशे एकर जमीन आहे. या परिसराचा ‘बीकेसी’च्या धर्तीवर विकास करावा, जेणेकरून स्थानिकांना रोजगार उपलब्ध होईल.
- महामार्गावरून नालासोपारा किंवा शहरात येण्यासाठी पाऊण, एक तासांचा वेळ लागतो. पावसाळ्यात खड्डे पडल्यानंतर प्रवाशांचे हाल होतात. या पार्श्वभूमीवर महामार्गाचे काँक्रीटीकरण केले जाणार असल्याची माहिती आमदार राजन नाईक यांनी दिली.