पिस्तूल, काडतुसांसह आरोपी जेरबंद

पिस्तूल, काडतुसांसह आरोपी जेरबंद
बोळिंज, ता. १३ (बातमीदार) ः नालासोपारा पूर्व परिसरात गुन्हे प्रकटीकरण शाखा कक्ष-२, वसई यांनी पिस्तूल बाळगल्याप्रकरणी एकाला अटक केली आहे. या कारवाईत पोलिसांनी दोन जिवंत काडतुसे जप्त केली आहेत.
नालासोपारा पूर्वेतील धानिवबाग तलावाजवळील चिमा पाटील शिक्षण संस्थेच्या प्रवेशद्वारासमोर देशी बनावटीचे पिस्तूल, दोन जिवंत काडतुसे घेऊन एक व्यक्ती येणार असल्याची माहिती पोलिसांनी मिळाली होती. या माहितीच्या आधारे पोलिस आयुक्त निकेत कौशिक, अपर पोलिस आयुक्त दत्तात्रय शिंदे, पोलिस उपआयुक्त संदीप डोईफोडे, सहाय्यक पोलिस आयुक्त मदन बल्लाळ यांच्या मार्गदर्शनाखाली गुन्हे शाखा कक्ष २, वसई युनिटचे पोलिस निरीक्षक अविराज कुराडे यांनी सापळा रचून नसरुद्दिन मोहम्मद शरीफ खानला (वय ३१) ताब्यात घेतले. त्याच्याकडून ५०,६०० किमतीचे एक देशी बनावटीचे पिस्तूल, दोन जिवंत काडतुसे जप्त करण्यात आली. या प्रकरणात कृष्णा चव्हाणलादेखील पोलिसांनी अटक केली आहे.