आविष्कार कार्यशाळेत तीन प्रकल्पांची निवड
नवी मुंबई, ता. १४ (वार्ताहर) : विद्यार्थ्यांमध्ये संशोधनाची वृत्ती वाढीस लागावी तसेच मुंबई विद्यापीठाच्या ‘आविष्कार’ संशोधन संमेलनात अधिकाधिक सहभाग मिळावा, या उद्देशाने वाशी येथील आईसीएलईएस मोतीलाल झुंजुनवाला महाविद्यालयात संशोधन कार्यशाळेचे आयोजन करण्यात आले. या कार्यशाळेत सादर करण्यात आलेल्या २४ संशोधन प्रकल्पांपैकी तीन प्रकल्पांची झोन-४ साठी निवड होऊन ते मुंबई विद्यापीठाच्या पुढील टप्प्यासाठी पात्र ठरले आहेत.
कार्यशाळा शिक्षक व विद्यार्थी या दोन घटकांवर केंद्रित होती. मुख्य सत्रात प्राचार्या डॉ. गोस्वामी-गिरी यांनी संशोधनातील नावीन्य, स्वतंत्र विचार, शैक्षणिक काटेकोरता व समाजाभिमुख दृष्टिकोन यांचे महत्त्व अधोरेखित केले. निरीक्षण, विश्लेषण, प्रयोग व प्रभावी सादरीकरण ही संशोधनाची मूलतत्त्वे आत्मसात करण्याचे त्यांनी आवाहन केले. तसेच डॉ. हेमा डावरे यांनी ‘आविष्कार’ संमेलनाची नियमावली, मूल्यांकन निकष व विविध श्रेणींबाबत सविस्तर मार्गदर्शन केले.
या कार्यशाळेत कला, वाणिज्य व विज्ञान शाखांतील ८३ विद्यार्थ्यांनी सहभाग घेतला. सामाजिक जाणीव, पर्यावरण संवर्धन, विज्ञान-तंत्रज्ञान, कृत्रिम बुद्धिमत्ता आधारित मॉडेल्स व जैवविविधता या विषयांवरील प्रकल्पांनी विशेष लक्ष वेधले. कार्यशाळेचे आयोजन व समन्वय महाविद्यालयीन समन्वयक सरोज माहुलकर यांनी केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.