प्रा. डॉ. एन. डी. पाटील विद्यालय, सह्याद्रीनगर माजी विद्यार्थी संघाची स्थापना..

माजी विद्यार्थी संघाची स्थापना
मालाड, ता. १४ (बातमीदार) ः रयत शिक्षण संस्थेच्या प्रा. डॉ. एन. डी. पाटील विद्यालय, सह्याद्रीनगर येथे माजी विद्यार्थी स्नेहमेळाव्यात शाळेच्या माजी विद्यार्थी संघाची स्थापना करण्यात आली. या मेळाव्यास रायगड विभागाचे सहाय्यक विभागीय अधिकारी व विद्यालयाचे माजी शिक्षक विलासराव जगताप, स्थानिक स्कूल कमिटी सदस्य मदनराव चव्हाण, माजी शिक्षक विकास गायकवाड, शामराव गायकवाड, चंद्रकांत शिंदे, उत्तम शिंदे, विलास लेंभे, नारायण बिचुकले, अशोककुमार गरुड, शारदा भोईटे, उज्ज्वला जगताप, सरिता शिंदे, विनोद घाटगे, के. जी. जगताप आदींची उपस्‍थिती होती. अध्यक्षपदी प्रा. संदीप पिसाळ, उपाध्यक्षपदी सिद्धीका शिंदे, कोषाध्यक्षपदी निखिल चव्हाण यांची सर्वानुमते निवड करण्यात आली. या प्रमुख पदांसह एकूण १५ सदस्यीय कार्यकारिणीची घोषणा करण्यात आली. मुख्याध्यापिका शिल्पा जरे या संघाच्या सचिवपदी कार्यभार सांभाळणार असल्याची माहिती देण्यात आली.