डोंबिवलीतील टिळक रस्त्याचे सिमेंट काँक्रिटिकरण लवकरच सुरू

टिळक रस्त्याचे काँक्रीटीकरण लवकरच
कल्याण, ता. १४ (वार्ताहर) : गेल्या अनेक महिन्यांपासून डोंबिवलीतील टिळक रस्त्याचे काँक्रीटीकरण विविध तांत्रिक अडचणींमुळे रखडलेले आहे. खासदार डॉ. श्रीकांत शिंदे यांनी बुधवारी (ता. १०) या रस्त्यांची पाहणी केली असून, लवकरच या रस्त्याचे काँक्रीटीकरणाचे काम सुरू होणार आहे.
अमृत योजनेअंतर्गत भूमिगत गटार योजनेचे काम, पाणीपुरवठा मुख्य जलवाहिनी आदी कामांमुळे टिळक रस्त्याचे काम अनेक दिवसांपासून रखडले आहे. याबाबत श्रीकांत शिंदे यांनी शहर अभियंता अनिता परदेशी यांच्यासोबत चर्चा केली या रस्त्याच्या असून, कामाचा व त्यातील अडचणी समजून घेण्यासाठी एकत्रित पाहणी दौरा केला.

...तर नोटिसा देणार
तर उर्वरित अर्धा रस्ता लवकरात लवकर वाहतुकीसाठी डागडुजी करून देण्याबाबत परदेशी यांनी संबंधितांना आदेशित करण्यात आले, तर या कामास विलंब करणाऱ्यांना नोटिसा देण्यात येणार आहेत. या पाहणी दौऱ्यात पालिका अधिकारी, एमएमआरडीए अधिकारी त्यावर काम करणाऱ्या यंत्रणा, वाहतूक पोलिस अधिकरी श्रीराम पाटील आणि शिवसेनेचे उपजिल्हाप्रमुख राजेश कदम, युवासेना शहर प्रमुख सागर जेधे, संजय निकते हे उपस्थित होते.