एन के टी टेक फेस्ट २०२५ मध्ये तंत्रज्ञानाचा जल्लोष;

एनकेटी टेक फेस्टमध्ये तंत्रज्ञानाचा जल्लोष
५०० हून अधिक विद्यार्थ्यांचा उत्स्फूर्त सहभाग
ठाणे, ता. १४ (बातमीदार) : टी. जे. एज्युकेशन सोसायटीच्या शेठ एनकेटीटी महाविद्यालयात सायन्स ॲण्ड टेक्नोलॉजी विभागाच्या वतीने आयोजित एनकेटी टेक फेस्ट शुक्रवारी (ता. १२) उत्साहात पार पडला. महाविद्यालयाचे प्राचार्य डॉ. दिलीप पाटील, उपमुख्याध्यापिका डॉ. मानोशी बागची, एस. एफ. सी. समन्वयक डॉ. योगेश्वरी पाटील आणि टेक फेस्टच्या अध्यक्षा डॉ. मनीषा नेहेते यांच्या मार्गदर्शनाखाली या तांत्रिक महोत्सवाचे यशस्वी आयोजन करण्यात आले.
या कार्यक्रमासाठी स्किल टेक इंडियाचे डायरेक्टर प्राध्यापक डॉ. रबिंदर हेनरी प्रमुख पाहुणे म्हणून उपस्थित होते. त्यांनी विद्यार्थ्यांना सध्याच्या वेगाने विकसित होत असलेल्या तंत्रज्ञानाची माहिती देत विशेषतः कॉग्नेटिव्ह टेक्नोलॉजी आणि भविष्यात आत्मसात करावयाच्या कौशल्यांवर मार्गदर्शन केले. आधुनिक तंत्रज्ञान आत्मसात करून करिअरच्या संधी वाढवाव्यात, असे आवाहन त्यांनी विद्यार्थ्यांना केले. या वेळी विद्यार्थी प्रतिनिधी हीनल दिवानी, सिराजुद्दीन खान, शशिकांत माने, यश माने यांच्यासह शिक्षकवर्ग व मोठ्या संख्येने विद्यार्थी उपस्थित होते.

स्पर्धात्मक व ज्ञानवर्धक उपक्र
टेक फेस्टमध्ये रिल आयटी फील आयटी, टेक टॉक, कोड-ए-थॉन, टेक्नोव्हा क्विझ, यूआय/यूएक्स डिझायनिंग, रिव्हर्स कोडिंग, वादविवाद, इन्फो फेच, व्हाइब कोडिंग आणि गेस द आउटपुट असे एकूण दहा स्पर्धात्मक व ज्ञानवर्धक उपक्रम आयोजित करण्यात आले होते. ठाणे, मुंबई आणि नवी मुंबई परिसरातील विविध महाविद्यालयांमधून ५०० हून अधिक विद्यार्थ्यांनी या टेक फेस्टमध्ये सहभाग नोंदवला. विद्यार्थ्यांनी आपल्या तांत्रिक कौशल्यांचे सादरीकरण करत विविध स्पर्धांमध्ये यश संपादन केले.