कळव्यातील कावेरी हाइट्स इमारतीत आग;

कळव्यातील कावेरी हाइट्स इमारतीत आग
सकाळ वृत्तसेवा
ठाणे, ता. १४ : कळवा परिसरातील खारेगाव येथे असलेल्या कावेरी हाइट्स या बहुमजली इमारतीत आग लागल्याची घटना शनिवारी (ता. १३) रात्री समोर आली. या घटनेत कोणालाही दुखापत झाली नसली तरी जिन्यामध्ये उभी केलेली लहान इलेक्ट्रिक गाडी जळून खाक झाल्याची माहिती आपत्ती व्यवस्थापन कक्षेने दिली.
खारेगाव येथील कावेरी हाइट्स या तळ अधिक १९ मजली इमारतीच्या १२ व्या मजल्यावरील जिन्यामध्ये ठेवलेल्या एका लहान इलेक्ट्रिक गाडीला शनिवारी आग लागल्याची घटना घडली. ही माहिती मिळताच अग्निशमन दलाच्या जवानांनी आणि कळवा पोलिसांनी धाव घटनास्थळी धाव घेतली. या आगीवर नियंत्रण मिळविण्यात अग्निशमन दलाच्या जवानांना यश आले. या घटनेत कोणतीही जीवितहानी झालेली नाही, मात्र त्या घटनेत ती गाडी जळून खाक झाली आहे.