भावावर चाकूने हत्येचा प्रयत्न

पनवेल, ता. १४ (बातमीदार) : मुलांच्या भांडणाचा राग मनात धरून सख्ख्या भावाने भावावर चाकूने वार करत त्याच्या हत्येचा प्रयत्न केला. याप्रकरणी तळोजा पोलिस ठाण्यात उसामा दस्तगीर सुबेदार (रा. नॅशनल हॉटेलसमोर, तळोजा) याच्याविरोधात गुन्हा दाखल करण्यात आला.

हुजेफा दस्तगीर सुबेदार हा पत्नी आणि मुलांसह तळोजा येथे राहतो. ५ डिसेंबरला त्याचा मुलगा उस्मान आणि भाऊ उसामा यांचा मुलगा हुसेन यांच्यात खेळत असताना वाद झाला. या वेळी मुलांमध्ये झालेला भांडण्याचा वाद मिटवून घेतला. ६ डिसेंबर रोजी सकाळी हुजेफा हा मुंबई येथे जाताना उसामाने माझ्या पत्नीला शिवीगाळ का केली, तुला मारून टाकेल, असे बोलून लोखंडी सुऱ्याने हुजेफाच्या पाठीवर आणि डोक्यामागे वार करून त्याला गंभीर जखमी केले. त्यानंतर उसामा तेथून पळून गेला. जखमीवर खारघर येथील रुग्णालयात उपचार सुरू आहेत.