अंतिम मतदार यादी आज होणार प्रसिद्ध

अंतिम मतदार यादी आज होणार प्रसिद्ध
भिवंडी, ता. १४ (बातमीदार) : राज्य निवडणूक आयोगाने राज्यातील २९ महापालिकांच्या सार्वत्रिक निवडणुकांसाठी मतदार यादीचा सुधारित कार्यक्रम जाहीर केल्यानुसार, भिवंडी महापालिकेचे निवडणूक कार्यालय सक्रिय झाले असून, सोमवारी (ता. १५) अंतिम मतदार यादी प्रसिद्ध करण्यात येणार आहे. राज्य निवडणूक आयोगाने दिलेल्या सुधारित कार्यक्रमानुसार, भिवंडी महापालिकेसाठी अंतिम मतदार यादी आज प्रसिद्ध होणार आहे. या यादीमध्ये प्रारूप मतदार यादीवर दाखल झालेल्या हरकतींवर निर्णय घेण्यात आले आहेत.

मतदान केंद्रांच्या ठिकाणांची यादी शनिवारी (ता. २०) प्रसिद्ध होणार आहे. मतदान केंद्रनिहाय मतदार यादी २७ डिसेंबरला प्रसिद्ध होणार आहे. भिवंडी महापालिकेचे निवडणूक विभागप्रमुख अजित महाडिक यांनी अंतिम मतदार यादी प्रसिद्ध होणार असल्याची माहिती दिली आहे. राज्य निवडणूक आयोगाच्या हालचालींकडे लक्ष ठेवून, भिवंडीतील राजकीय पुढाऱ्यांनी निवडणुकीसाठी मोर्चेबांधणी सुरू केली आहे. इच्छुक उमेदवारांनीदेखील आपापल्या वार्डात निवडणुकीची चाचपणी सुरू केली आहे.