श्रमजीवी संघटनेच्या वतीने बालकलाक्रिडा मेळाव्याचे आयोजन

बालकलाक्रिडा मेळावा उत्साहात
कल्याण, ता. १५ (वार्ताहर) : श्रमजीवी संघटनेच्या वतीने बालकलाक्रिडा मेळावा गणेश विद्यालय हायस्कूल मैदानात घेण्यात आला. याप्रसंगी कल्याण तालुका वरिष्ठ पोलिस निरीक्षक पंकज गिरी आणि तालुका वैद्यकीय अधिकारी मुंजाल यांच्यासह श्रमजीवी संघटना ठाणे जिल्हा सरचिटणीस राजेश चन्ने, तालुका अध्यक्ष वासुदेव वाघे, उपाध्यक्ष कांचन मुकणे, महिला प्रमुख रूपाली वाघे, आनिता वायडे, संतोष वाघमारे, अरुण वाघमारे व संघटनेचे कल्याण तालुका कार्यकर्ते पदाधिकारी त्यांची उपस्थिती होती.
या क्रीडा मेळाव्यामध्ये आदिवासी मुलांचे सांघिक स्पर्धा कबड्डी, लंगडी, खोखो, डॉजबॉल, वैयक्तिक खेळ, गोळा फेक, चमचागोटी, पोता शर्यत, बटाटा शर्यत, लांब उडी उंच उडी १०० मीटर धावणे इत्यादी खेळ घेण्यात आले. या क्रीडा मेळाव्याच्या समारोप कार्यक्रमासाठी माजी नगरसेवक संतोष तरे, श्रमजीवी संघटना महाराष्ट्र राज्य सरचिटणीस बाळाराम भोईर यांनी उपस्थित राहून खेळाडूंना मार्गदर्शन केले.