वाशी विभागात फेरीवाल्यांवर पालिकेची कारवाई
वाशी विभागात फेरीवाल्यांवर पालिकेची कारवाई
नेरुळ, ता. १६ (बातमीदार): नवी मुंबई महानगरपालिकेकडून सध्या अतिक्रमणांवर धडाकेबाज कारवाई सुरू आहे. वाशी विभागातदेखील फेरीवाल्यांसह अतिक्रमणांवर कारवाई करण्यात आली.
अतिरिक्त आयुक्त राहुल गेठे व उपायुक्त डॉ. कैलास गायकवाड यांच्या मार्गदर्शनाखाली विभाग अधिकारी सुखदेव एडवे यांच्या उपस्थितीत मार्जिनल स्पेस वापरत असलेल्या अनेक दुकानांवर कारवाई झाली. या कारवाईत चार लाख १० हजारांचा दंड एका दिवसात वसूल करण्यात आला.
वाशी विभाग कार्यालय अंतर्गत येणाऱ्या सेक्टर ९, १०, १५ व १७ मधील अशा सामायिक जागा व्यापाऱ्यांकडून वापरणाऱ्या दुकानांवर कारवाई झाली. या कारवाईत कपडे, भांडी, फूड स्टॉल, पुतळे, चप्पल व फर्निचर लावलेल्या दुकानदारांचा समावेश होता.
आधी संपूर्ण वाशी विभाग परिसरात ध्वनी निक्षेपणाद्वारे अनेक व्यापाऱ्यांना नियमांची माहिती देण्यात आली होती. अनेक व्यापाऱ्यांनी त्यावर प्रतिसाद दिला; मात्र नियमांचा भंग करणाऱ्यांवर आता कारवाईचा बडगा उगारण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.