रणजीत गायकवाड हत्येप्रकरणी मुख्य आरोपीला अटक

रणजित गायकवाड हत्येप्रकरणी मुख्य आरोपीला अटक

उल्हासनगर, ता. १५ (वार्ताहर) : पत्नी आणि चिमुकल्या मुलांच्या डोळ्यादेखत रणजित गायकवाड याच्यावर हल्ला करण्यात आला होता. दहा दिवस मृत्यूशी झुंज दिल्यानंतर रविवारी पहाटे सुमारे ४ वाजण्याच्या सुमारास रणजित याचा मृत्यू झाला. उल्हासनगर कॅम्प क्रमांक चारमध्ये घडलेल्या या घटनेप्रकरणी पोलिसांनी मुख्य आरोपी विक्की कोठणकर याला अटक केली आहे. पोलिस उपायुक्त सचिन गोरे, वरिष्ठ पोलिस निरीक्षक अशोक कोळी आणि पोलिस निरीक्षक चंद्रहार गोडसे यांच्या मार्गदर्शनाखाली गुन्हे शोध पथकाने विठ्ठलवाडी बस डेपो परिसरातून आरोपीला अटक केली. दरम्यान, या प्रकरणात आणखी कोणाचा सहभाग आहे का, याचा तपास सुरू असल्याची माहिती पोलिसांनी दिली.