जेव्हा IIT बॉम्बेचा ‘मूड’ गंभीरतेतून ‘इंडिगो’ होतो
महाविद्यालयीन विर्द्यार्थ्यांना कलामंच
आयआयटी मुंबईचा महोत्सव १६ डिसेंबरपासून
मुंबई, ता. १५ : आयआयटी मुंबईमध्ये १६ ते १८ डिसेंबर दरम्यान, मूड इंडिगो या महाविद्यालयीन सांस्कृतिक महोत्सवाचे आयोजन केले आहे. या महोत्सवात देशातील अनेक विद्यार्थी धम्माल करणार आहेत. मूड इंडिगो म्हणजे विद्यार्थ्यांमधील कलाकारांचा मेळा, त्यांच्या कल्पनाशक्तीला मिळणारे मुक्त आकाश आणि संगीत, कला व उत्साहावर प्रेम करणाऱ्या प्रत्येकासाठी एक आवडीचा महोत्सव आहे. त्यात विद्यार्थी आपल्यातील कला सादर करणार आहे.
१९७१ मध्ये एका छोट्या कॅम्पस इव्हेंटपासून सुरू झालेला मूड इंडिगो आज आशियातील सर्वांत मोठा कॉलेज सांस्कृतिक महोत्सव बनला आहे. दशकानुदशके, याने संगीत, परफॉर्मिंग आर्ट्स, फॅशन, लाइफस्टाइल आणि मनोरंजन या क्षेत्रांतील असामान्य प्रतिभेला एक मंच दिला आहे. रॉक आयकॉनपासून शास्त्रीय दिग्गजांपर्यंत, बॉलीवूड स्टार्सपासून आंतरराष्ट्रीय कलाकारांपर्यंत सर्वांनी या सांस्कृतिक महोत्सवाचे स्वागत केले आहे.
यंदा महोत्सवात मुख्य मंचावर सोनू निगम, आंतरराष्ट्रीय इंडी-पॉप सेन्सेशन ध्रुव ग्लोबल कला सादर करणार आहेत. हिप-हॉप प्रेमींसाठी सीधेमौत आणि कर्मा, तर रॉक व फ्यूजन चाहत्यांसाठी चार दिवारी आणि आनंद भास्कर कलेक्टिव्ह, सुफी कलाकार बिस्मिल आणि बेल्जियमचा कलाकार रोमिओ ब्लांकोही सादरीकरण करणार आहेत.
रकुल प्रीत सिंह, पुलकित सम्राट, कविता सेठ, अर्चना पूरन सिंह, विक्की कौशल, जयदीप अहलावत, कॉमेडियन राहुल सुब्रमणियन यांची उपस्थिती असेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.