स्वातंत्र्यलढ्यातील क्रांतिकारकांना अभिवादन

स्वातंत्र्यलढ्यातील क्रांतिकारकांना अभिवादन
वसईत ह.भ.प. चारुदत्त महाराज आफळे यांचे कीर्तन
विरार, ता. १५ (बातमीदार)ः ‘भारतीय स्वातंत्र्यलढ्यातील क्रांतिकारक’ या विषयावर प्रसिद्ध कीर्तनकार ह.भ.प. चारुदत्त महाराज आफळे यांचे कीर्तन गुरुवारी (ता. २५) होणार आहे. वसईतील पूज्य साने गुरुजी प्रशिक्षण संकुल, श्रमजीवी संघटनेच्या कार्यालयात हा कार्यक्रम होणार आहे.
श्रमजीवी संघटना आणि सकाळ माध्यम समूहच्या संयुक्त विद्यमाने, सकाळ भक्ती शक्ती व्यासपीठाअंतर्गत हा कार्यक्रम होत आहे. या कार्यक्रमाच्या पूर्वतयारीनिमित्त जव्हार, पालघर जिल्ह्यातील भजन मंडळांचे प्रमुख कीर्तनकार, प्रवचनकार, भजनी कलावंत व गायनाचार्य यांची बैठक पार पडली. या बैठकीला ह.भ.प. पंढरीनाथ महाराज (गायक, वादक), ह.भ.प. मोरेश्वर महाराज (प्रवचनकार), ह.भ.प. शांताराम महाराज (कीर्तनकार), ह.भ.प. शंकर महाराज (विणेकरी), ह.भ.प. वासुदेव महाराज (प्रवचनकार), ह.भ.प. भगवान महाराज (भजन सम्राट), ह.भ.प. किरण बुबा (गायन सम्राट), ह.भ.प. एकनाथ महाराज (कीर्तनकार), ह.भ.प. तुळशीराम बुबा (गायन सम्राट), ह.भ.प. अनिकेत बुवा (संगीत विशारद), ह.भ.प. अमृत पाटील (गायक), ह.भ.प. जगदीश महाराज (कीर्तनकार) यांच्यासह विविध मान्यवर उपस्थित होते.
-----------------------------
प्रेरणादायी उपक्रम
या कीर्तन कार्यक्रमाचे आयोजन श्रमजीवी संघटना व सकाळ भक्ती शक्ती व्यासपीठ यांच्या वतीने करण्यात येत असून, आयोजक म्हणून कीर्तनकार पंढरीनाथ पाटील काम पाहणार आहेत. स्वातंत्र्यलढ्यातील क्रांतिकारकांचा इतिहास भक्ती आणि राष्ट्रप्रेमाच्या माध्यमातून मांडणारे हे कीर्तन वारकरी संप्रदायासह सर्व नागरिकांसाठी प्रेरणादायी ठरणार असल्याने वारकरी तसेच तरुणांनी कार्यक्रमासाठी उपस्थित राहावे, असे आवाहन आदिवासी विकास आढावा समितीचे अध्यक्ष (राज्यमंत्री) तसेच श्रमजीवी संघटनेचे संस्थापक विवेक पंडित यांनी केले आहे.