प्रशासकीय यंत्रणा निवडणुकीसाठी सज्ज

प्रशासकीय यंत्रणा निवडणुकीसाठी सज्ज
नालासोपारा (बातमीदार) : वसई-विरार महापालिकेच्या निवडणुकीचा कार्यक्रम जाहीर झाला आहे. याच अनुषंगाने प्रशासनाने पूर्ण तयारी केली असून, पालिकेच्या नऊ प्रभागांत नऊ निवडणूक निर्णय अधिकारी नियुक्त केल्याची माहिती पालिका आयुक्त मनोजकुमार सूर्यवंशी यांनी दिली आहे. वसई-विरार महापालिकेत २९ प्रभागांसाठी निवडणूक होणार असून, त्यासाठी ११ लाख २७ हजार ६३७ मतदार मतदानाचा हक्क बजावणार आहेत. यात २६ हजार दुबार मतदार आहेत. ही निवडणूक चार जणांच्या पॅनेलमध्ये होणार असून, २८ प्रभाग चार सदस्यांचे, तर एक प्रभाग हा तीन सदस्यांचा असणार आहे, तर एक हजार ४०० मतदान केंद्रे तयार करण्यात आली असून, आठ हजार ४०० कर्मचारी नियुक्त करण्यात आले आहेत, तर १८ सहाय्यक निवडणूक अधिकारी असणार आहेत.