ज्येष्ठ नागरिकांसाठी आसन व्यवस्‍था

ज्येष्ठ नागरिकांसाठी आसन व्यवस्‍था
मुलुंड, ता. १६ (बातमीदार) ः मुलुंड पूर्व परिसरातील ज्येष्ठ नागरिकांच्या दैनंदिन गरजांचा विचार करून सामाजिक कार्यकर्ते ॲड. सागर देवरे यांच्यातर्फे विविध ठिकाणी बसण्यासाठी आसन सुविधा उपलब्ध करून देण्यात आली आहे. मुलुंड पूर्वेतील साईनाथ चौक, न्यू पीएमजीपी कॉलनी येथील ज्येष्ठ नागरिक नवतरुण मित्र मंडळ, पत्रा चाळ, आनंदनगर या ठिकाणी ज्येष्ठ नागरिकांसाठी बेंच बसवण्यात आले आहेत. या उपक्रमामुळे वयोवृद्ध नागरिकांना घराबाहेर पडताना, फिरताना तसेच सामाजिक संवाद साधताना मोठा दिलासा मिळणार आहे.