अखिल भारतीय ब्राह्मण महासंघाच्या वतीने संभवामी युगे युगे कार्यक्रमाचे आयोजन

कल्याणमध्ये ‘संभवामी युगे युगे’ कार्यक्रम
कल्याणमध्ये शरद पोंक्षे यांचे व्याख्यान
कल्याण, ता. १६ (वार्ताहर) : अखिल भारतीय ब्राह्मण संघाच्या वतीने भगवतगीतेच्या प्रचार आणि प्रसारासाठी संभवामी युगे युगे कार्यक्रम पार पडणार आहे. हा भगवतगीतेतील १८ अध्यायांचा संक्षिप्त स्वरुपातील नृत्याविष्कार नाशिक येथील नृत्याली भरतनाट्यम अकादमीतील सोनाली करंदीकर व त्यांच्या शिष्या सादर करणार आहेत. यासोबतच प्रमुख वक्ते शरद पोंक्षे यांचे व्याख्यान गुरुवारी (ता. २५) आचार्य प्रल्हाद केशव अत्रे रंगमंदिर होणार आहे.
यावेळी प्रमुख पाहुणे म्हणून परशुराम आर्थिक विकास महामंडळाचे अध्यक्ष आशिष दामले, रविंद्र प्रभुदेसाई, अखिल भारतीय ब्राह्मण महासंघ राष्ट्रीय अध्यक्ष गोविंदराव कुलकर्णी, राष्ट्रीय उपाध्यक्ष श्यामराव जोशी, महाराष्ट्र प्रदेशाध्यक्ष निखिल लातूरकर, प्रदेश सरचिटणीस शशांक खेर आदींची प्रमुख उपस्थिती असणार आहे.