शिक्षणाबरोबर खेळ कलेची जोड असावी.

शिक्षणाबरोबर खेळ कलेची जोड असावी ः गुलाबराव पाटील
कल्याण, ता. १६ (वार्ताहर) ः येथे जपानी शोतोकाम कराटे डो-फेडरेशनच्या वतीने आठव्या राष्ट्रीय कराटे डो चॅम्पियनशिप स्पर्धा पार पडल्या. या स्पर्धेचे उद्‍घाटनाप्रसंगी राज्य पुरस्कारप्राप्त मुख्याध्यापक गुलाबराव पाटील, जापानी शोतोकाम कराटे डो फेडरेशनचे राष्ट्रीय अध्यक्ष जितेंद्र कोरी आणि पाली भाषा प्रचार आणि प्रसार ट्रस्टचे अध्यक्ष पी.टी. धनविजय उपस्थित होते.
गुलाबराव पाटील म्हणाले की, कराटे खेळामुळे आपले स्व-संरक्षण होते. शिक्षणाबरोबर खेळाची जोड असेल तर नक्कीच जीवनात आनंद मिळतो, असे त्यांनी सांगितले. या स्पर्धेत वेगवेगळ्या वयोगटातील १६० खेळाडू सहभागी झाले होते. त्यातील महेश नवले सायन यांच्या ग्रुपचा प्रथम क्रमांक, वसंत गावकर व हेमंत धोत्रे यांच्या ग्रुपचा द्वितीय क्रमांक आणि योगेश पानसरे यांच्या ग्रुपचा तृतीय क्रमांक आला. पाहुण्यांच्या हस्ते खेळाडूंना चषक देऊन सन्मानित करण्यात आले. या स्पर्धेला फेडरेशनचे अध्यक्ष जितेंद्र कोरी यांना पंच फिरोज पठाण, जॉय थॉमस, धरमदास सामंत, अग्निश पाटणकर आणि आशिष ढोले यांचे सहकार्य लाभले.