मिरा-भाईंदरकरांची प्रवासातून सुटका

मिरा-भाईंदरकरांची प्रवासातून सुटका
उत्तन येथील उपप्रादेशिक परिवहनचे नवे कार्यालय सुरू
भाईंदर, ता. १७ (बातमीदार) : मिरा-भाईंदरच्या प्रस्तावित उपप्रादेशिक परिवहन कार्यालयाच्या उत्तन येथील प्रशासकीय इमारतीचे भूमिपूजन परिवहनमंत्री प्रताप सरनाईक यांच्या हस्ते सोमवारी (ता. १५) ऑनलाइन पद्धतीने झाले. या सुविधेमुळे मिरा-भाईंदरच्या नागरिकांना आता ठाण्याला जाण्याची गरज राहणार नाही.
मिरा-भाईंदर शहराची झपाट्याने वाढणारी लोकसंख्या, वाढत्या वाहनसंख्या घेऊन स्वतंत्र उपप्रादेशिक परिवहन कार्यालय सुरू करण्याची मागणी केली होती. त्यानुसार काही महिन्यापूर्वीच मिरा-भाईंदरसाठी एमएच-५८ उपप्रादेशिक परिवहन कार्यालय मंजूर झाले. मिरा रोडच्या हटकेश भागात तात्पुरत्या जागेत जुने कार्यालय सुरू आहे. आता उत्तन येथील महसूल विभागाच्या राखीव जमिनीवर १५ कोटी रुपये खर्चून नवीन इमारत बांधण्यात आली आहे.