फैसल गवंडी अव्वल

फैसल गवंडी अव्वल
चिंचणी येथे आंतरकनिष्ठ महाविद्यालयीन कॅरम स्पर्धा

पालघर, ता. १६ (बातमीदार) : चिंचणी येथे आंतरकनिष्ठ महाविद्यालयीन कॅरम चॅम्पियनशिप लीग २०२५-२६ मध्ये एच. डी. सावे कॉलेज, तारापूरचा विद्यार्थी फैसल गवंडी याने प्रथम क्रमांक पटकावला. एस.डी.एस.एम. कॉलेज, पालघरचा विद्यार्थी भार्गव घरत याने द्वितीय क्रमांक पटकावला. स्पर्धेत १० कनिष्ठ महाविद्यालयांनी सहभाग घेतला होता.
चिंचणी तारापूर शिक्षण संस्थेच्या श्री. पी. एल. श्रॉफ कला व वाणिज्य महाविद्यालय, चिंचणी यांच्या आयक्यूएसी व बीएमएस विभागाच्या संयुक्त विद्यमाने तसेच स्ट्राइकिंग कॅरम मॅन्युफॅक्चररचे उद्योजक व बीएमएसचे माजी विद्यार्थी रुपेश चौबे यांच्या प्रायोजकत्वाखाली सलग दुसऱ्या वर्षी कॅरम चॅम्पियनशिप लीग २०२५-२६ चे आयोजन महाविद्यालयाच्या प्रांगणात करण्यात आले.
स्पर्धेचे आयोजन बीएमएस विभागप्रमुख प्रा. गौरी दातीर यांच्या मार्गदर्शनाखाली प्रा. विद्या दहिसरकर, प्रा. अमिता बारी, प्रा. कृपाली सावे, शिक्षकेतर कर्मचारी योगेंद्र वनमाळी व बीएमएसच्या विद्यार्थ्यांनी केले. स्पर्धेचे उद्घाटन संस्थेचे अध्यक्ष रजनीकांत श्रॉफ व एम.के. कनिष्ठ महाविद्यालयाचे प्राचार्य सुनील बैसाणे यांच्या हस्ते झाले.