मुख्यमंत्री देवेंद्र फडणवीस यांची अंबरनाथमध्ये जाहीर सभा !

मुख्यमंत्र्यांंची आज अंबरनाथमध्ये सभा
अंबरनाथ, ता. १६ (वार्ताहर) ः पालिका निवडणुकीसाठी शहरातील राजकीय हालचालींना आता वेग आला आहे. उद्या (ता. १७) संध्याकाळी ६ वाजता मुख्यमंत्री देवेंद्र फडणवीस यांची अंबरनाथमध्ये जाहीर सभा होणार आहे. पूर्वेतील वडवली येथील गावदेवी मैदानात ही सभा होईल.
नगरपालिका निवडणुकीच्या रणधुमाळीत मुख्यमंत्र्यांच्या सभेने भाजपचा प्रचार अधिक आक्रमक होणार आहे.
दरम्यान, भाजप उमेदवारांची एक महत्त्वाची बैठक नुकतीच झाली. या बैठकीत मुरबाडचे आमदार किसन कथोरे यांनी निवडणूक प्रचारासंदर्भात सविस्तर मार्गदर्शन केले. प्रचाराची दिशा, संघटनात्मक बांधणी, बूथ पातळीवरील तयारी, तसेच मतदारांपर्यंत प्रभावीपणे पोहोचण्यासाठीच्या रणनीतीवर त्यांनी उमेदवारांना मार्गदर्शन केले. या वेळी आरपीआय (आठवले गट) अध्यक्ष संजय गायकवाड, महाराष्ट्र राज्य परिषद सदस्य गुलाबराव करंजुळे पाटील, कल्याण जिल्हा सरचिटणीस अभिजित करंजुळे पाटील, नगराध्यक्षपदाच्या उमेदवार तेजश्री करंजुळे पाटील यांच्यासह नगरसेवकपदाचे उमेदवार उपस्थित होते.