खारघरच्या ‘सीजेएम’ शाळेचे स्नेहसंमेलन उत्साहात

खारघरच्या ‘सीजेएम’ शाळेचे स्नेहसंमेलन उत्साहात
‘शोधातून प्रगतीकडे’ थीमवर विद्यार्थ्यांचे बहारदार सादरीकरण
नवी मुंबई, ता. १६ (सकाळ वृत्तसेवा) : खारघर येथील कॉन्व्हेंट ऑफ जिजस अँड मेरी इंटरनॅशनल स्कूल (सीजेम) शाळेचे वार्षिक स्नेहसंमेलन नुकतेच मोठ्या उत्साहात पार पडले. ‘शोधातून प्रगतीकडे’ ही यावर्षीच्या स्नेहसंमेलनाची संकल्पना होती. यानिमित्त शैक्षणिक व कला क्षेत्रात उल्लेखनीय कामगिरी करणाऱ्या विद्यार्थ्यांचा मान्यवरांच्या हस्ते गौरव करण्यात आला.
या कार्यक्रमाला विद्यार्थी, पालक व शिक्षकांची मोठ्या संख्येने उपस्थिती लाभली. विद्यार्थ्यांनी वैज्ञानिक संकल्पना, ऐतिहासिक शोध, भविष्यातील तंत्रज्ञान, भारतीय शिक्षणाचा प्रवास तसेच भविष्यकालीन शिक्षण या विषयांवर आधारित नृत्यनाट्ये, स्किट्स व सांस्कृतिक कार्यक्रम सादर करून उपस्थितांची मने जिंकली. मनोरंजनासोबतच ज्ञान व सामाजिक जाणीव यांचा सुंदर समन्वय या सादरीकरणांतून दिसून आला.
शाळेच्या मुख्य आधारस्तंभ सिस्टर शेरोन परेरा तसेच व्यवस्थापन समितीच्या मार्गदर्शनामुळे हा कार्यक्रम यशस्वी ठरला. राष्ट्रगीताने या स्नेहसंमेलनाची सांगता झाली.