शिवसेनाप्रमुखांचा विचार, दिघेंचा वारसा

शिवसेनाप्रमुखांचा विचार, दिघेंचा वारसा

नगरपालिका निवडणुकांमध्ये शिवसेनेने मोठ्या प्रमाणावर लढत दिल्याचा उल्लेख करत उपमुख्यमंत्री एकनाथ शिंदे म्हणाले की, विदर्भात जवळपास साडेसातशे जागांवर शिवसेनेचा भगवा पोहोचला, तर संपूर्ण महाराष्ट्रात सुमारे चार हजार जागांवर धनुष्यबाण आणि भगवा झेंडा जनतेपर्यंत पोहोचवण्यात आला. यासोबतच १४७ ते १८७ नगराध्यक्षपदांपर्यंत शिवसेनेची ताकद पोहोचली, असे त्यांनी स्पष्ट केले. ही आकडेवारी म्हणजे केवळ निवडणुकीची गणिते नसून, राज्याच्या कानाकोपऱ्यात शिवसेनेचा विचार, चिन्ह आणि संघटनात्मक उपस्थिती पोहोचल्याचे प्रतीक आहे, आणि म्हणूनच हा काळ महाराष्ट्राच्या इतिहासातील शिवसेनेचा सुवर्णकाळ असल्याचा दावा शिंदे यांनी केला. भाषणादरम्यान धर्मवीर आनंद दिघे यांचा वारंवार उल्लेख करत शिवसैनिक हे आपले टॉनिक असल्याचे ते म्हणाले. तसेच शिवसेनाप्रमुख बाळासाहेब ठाकरे यांचे विचार आणि आनंद दिघे यांचा वारसा कोणीही पुसू शकत नाही, असा विश्वास त्यांनी व्यक्त केला.