कर्नाटक हापूस एपीएमसीत दाखल

कर्नाटक हापूस एपीएमसीत दाखल
घाऊक बाजारात किलोला ३५० रुपयांचा भाव
तुर्भे, ता. १८ (बातमीदार) : कर्नाटक हापूस आंब्याचा हंगामा सुरू झाला आहे. वाशीच्या एपीएमसी बाजारात हा आंबा दाखल झाला आहे. कर्नाटक हापूस आंब्यांची चव, रंग आणि सुगंध ग्राहकांना विशेषतः आकर्षित करतो. यंदा आवक झाली असली तरी, उच्च दर्जाचे फळ असल्याने घाऊक आणि किरकोळ बाजारात मागणी वाढली आहे. कर्नाटक हापूस सोबत दक्षिणात्य हापूस बाजारात झाला आहे. त्यामुळे एप्रिल-मेच्या हंगामात मिळणारा हापूस आंबा आता डिसेंबरमध्ये चाखायला मिळणार आहे. हवामान अनुकूल राहिले, पुरवठा स्थिर राहिला तर आंब्याचे दर स्थिर राहतील. तसेच ग्राहकांना उच्च दर्जाचा हापूस वाजवी दराने मिळू शकेल, असा अंदाज व्यापारी किरण जगताप यांनी व्यक्त केला आहे.
---------------------------------
दोन ते चार टन आवक
कमी दर्जाचा कर्नाटकी हापूस १०० ते १२० रुपये भावाने विकला जात आहे. तर उत्तम प्रतीचा हापूस ७० ते ३५० रुपये किलोने विकला जात आहे.
सध्या बाजारात दोन ते चार टन हापूस दाखल होत आहे.