मध्यधुंद रिक्षाचालकाची धडक; बदलापूरमध्ये दुचाकीस्वार जखमी!

मद्यधुंद रिक्षाचालकाची दुचालकीला धडक
दुचाकीस्वार जखमी ः बेलवलीतील अपघात सीसीटीव्हीत कैद
बदलापूर, ता. १८ (बातमीदार) ः बदलापूर पश्चिमेतील बेलवली परिसरात मद्यधुंद अवस्थेतील रिक्षाचालकाने दुचाकीस्वाराला धडक दिल्याची घटना घडली आहे. या अपघातात दुचाकीस्वारासह त्याच्या सहकाऱ्याला दुखापत झाली असून उपचारांकरीता रुग्णालयात दाखल करण्यात आले आहे. या अपघाताची संपूर्ण घटना परिसरातील सीसीटीव्ही कॅमेरात कैद झाली.
रस्त्याच्या कडेला उभी केलेली दुचाकी काढत असतानाच मद्यधुंद रिक्षाचालकाने मागून त्यांना धडक दिली. यामध्ये दोघेही जण रस्त्यावर पडले आणि जखमी झाले आहेत. जखमींना तातडीने उपचारासाठी रुग्णालयात दाखल करण्यात आले. या अपघाताची संपूर्ण घटना परिसरातील सीसीटीव्ही कॅमेरात कैद झाली आहे. याप्रकरणी बदलापूर पश्चिम पोलिस ठाण्यात तक्रार दाखल करण्यात आली असून, पोलिसांनी सीसीटीव्ही फुटेजच्या आधारे पुढील तपास सुरू केला आहे. दरम्यान, मद्यधुंद वाहनचालकांच्या घटनांमुळे नागरिकांच्या सुरक्षिततेचा प्रश्न पुन्हा ऐरणीवर आला असून, अशा चालकांवर कठोर कारवाई करण्याची मागणी नागरिकांकडून होत आहे.