मिरा भाईंदर

मिरा-भाईंदर शहरात गेल्या तीन वर्षांच्या काळात तीन वेळा बिबट्या पकडण्यात आले. २०२२मध्ये भाईंदर पश्चिम येथील जय अंबेनगर परिसरात आलेला बिबट्या तीन दिवसांनी पकडण्यात यश आले, त्यानंतर उत्तनमध्ये बिबट्या पकडण्यात आला. मिरा-भाईंदर शहराच्या लगतच संजय गांधी राष्ट्रीय उद्यानाची हद्द सुरू होते; त्यामुळे बिबट्या या उद्यानातूनच येत असण्याची शक्यता आहे. उद्यानालगत असलेल्या आदिवासी पाड्यांमध्ये तसेच घोडबंदर गावातही अधूनमधून बिबट्याचे दर्शन झालेले आहे.