न्डलच्या टाचेत सव्वासात लाखाची एमडी पावडर,

लेडीज सॅन्डलच्या टाचेतून एमडी ड्रग्जची तस्करी
विठ्ठलवाडी पोलिसांची मोठी कारवाई, सात लाखांचे अंमली पदार्थ जप्त
उल्हासनगर, ता. २० (बातमीदार) ः महानगरपालिका निवडणुकीच्या काळात कायदा व सुव्यवस्था राखण्यासाठी गस्त घालत असलेल्या विठ्ठलवाडी पोलिसांच्या हाती मोठे यश लागले आहे. एका व्यक्तीची झडती घेतली असता, त्याच्याकडे असलेल्या लेडीज चप्पलच्या टाचेमध्ये तब्बल सात लाख २६ हजार रुपये किमतीचे एमडी ड्रग्ज सापडले आहेत.
निवडणुकीच्या काळात कोणताही अनुचित प्रकार घडू नये, यासाठी पोलिस उपायुक्त सचिन गोरे आणि सहायक पोलिस आयुक्त अमोल कोळी यांनी रात्रीची गस्त वाढवण्याचे आदेश दिले होते. त्यानुसार विठ्ठलवाडी पोलिस ठाण्याचे वरिष्ठ पोलीस निरीक्षक अशोक कोळी यांच्या मार्गदर्शनाखाली गुन्हे शोध पथक व्हीटीसी परिसरात गस्त घालत होते. यावेळी पोलिसांना एक व्यक्ती संशयास्पदरित्या वावरताना दिसला. पोलिसांची चाहूल लागताच त्याने पळ काढण्याचा प्रयत्न केला असता पोलिसांनी पाठलाग करून त्याला ताब्यात घेतले. त्याचे नाव इस्माईल मोहम्मद शफी अब्बासी असून त्याची अंगझडती घेण्यात आली. यावेळी त्याच्या बॅगेमध्ये एक जोडी लेडीज चप्पल मिळून आली. त्या चप्पलच्या टाचेत असणारा सात लाख २६ हजार रुपये किमतीचा एमडी ड्रग्ज हस्तगत करण्यात आला. दरम्यान, इस्माईल मोहम्मद शफी अब्बासी हा इंदोरचा राहिवासी असून त्याचे कनेक्शन कुणाशी आहे. याचा कसून तपास करण्यात येत असल्याची माहिती वरिष्ठ पलिस निरीक्षक अशोक कोळी यांनी दिली.