मोबाईल लांबवला

मोबाईल लांबवला
ठाणे : बहिणीला भेटण्यासाठी पुण्याला निघालेल्या मुलुंड गोरेगाव लिंक रोड येथील विजया धोत्रे (६८) यांचा रेल्वे प्रवासात १० हजारांचा मोबाईल आणि पाऊचमधील रोख पाच हजार असा ऐवज चोरीला गेला आहे. ही घटना रविवारी (ता. २१) ठाणे रेल्वे स्थानकावर घडली असून, याप्रकरणी ठाणे लोहमार्ग पोलिस ठाण्यात गुन्हा दाखल झाला आहे.
......
दुचाकीची चोरी
ठाणे: मुंब्रा, वाय जंक्शनजवळ पार्क केलेली दुचाकी शनिवारी (ता. २०) चोरीला गेली आहे. त्या दुचाकी किंमत ३० हजार असून, तक्रारदार फिरोज युसूफ शेख (४९) यांनी दिलेल्या तक्रारीत ती दुचाकी त्यांच्या वडिलांची असल्याचे नमूद करण्यात आले आहे. याप्रकरणी मुंब्रा पोलिस ठाण्यात चोरीचा गुन्हा दाखल केला आहे.

रिक्षा चोरीला
ठाणे : मुंब्रा मित्तल मैदान येथे उभी केलेली रिक्षा चोरट्याने चोरून नेली आहे. हा प्रकार शुक्रवारी (ता. १९) समोर आला. त्या रिक्षाची किंमत ४० हजार असल्याचे तक्रारीत म्हटले आहे. याप्रकरणी माबुद सिद्दीकी यांनी दिलेल्या तक्रारीनुसार गुन्हा दाखल केल्याची माहिती मुंब्रा पोलिसांनी दिली.
........
नारळाच्या झाडावर अडकलेल्या मांजराची सुटका
ठाणे : ढोकाळी परिसरातील सत्यआनंद सोसायटीच्या आवारामधील एका नारळाच्या झाडावर अडकलेल्या मांजराची ३५ ते ४० फूट उंचावरून सुटका करण्यात आली आहे. याबाबत अनिल परब नामक व्यक्तीने ठाणे महापालिका आपत्ती व्यवस्थापन कक्षाला माहिती दिली. त्यानंतर घटनास्थळी धाव घेत अग्निशमन दलाच्या जवानांनी सोमवारी ( ता.२२) दुपारी त्या मांजराची सुटका केली, अशी माहिती आपत्ती व्यवस्थापन कक्षाने दिली.