ट्रकच्या धडकेत दुचाकीवरील महिलेचा मृत्यू

पनवेल, ता. २३ (वार्ताहर) : मुंबई-गोवा महामागावर पेणजवळ सोमवारी (ता. २२) दुपारी भीषण अपघातात विद्या गायकर (वय ५१, रा. डोलघर, ता. पनवेल) या महिलेचा मृत्यू झाला, तर त्यांचा पती विठ्ठल बजरंग गायकर (वय ५४) गंभीर जखमी झाले आहेत. हे दाम्पत्य पनवेल येथून स्कुटीवरून पेणच्या दिशेने जात असताना विरुद्ध दिशेने भरधाव वेगात आलेल्या अवजड वाहनाने त्यांच्या स्कुटीला जोरदार धडक दिल्याने हा अपघात घडला. या प्रकरणी पनवेल शहर पोलिसांनी बलकर चालकाविरोधात गुन्हा दाखल केला आहे.