माझे कल्याण शहर – प्रश्नमंजुषा स्पर्धा २०२६

‘माझे कल्याण शहर’ प्रश्नमंजुषा स्पर्धा
कल्याण, ता. २३ (वार्ताहर) : छत्रपती शिवरायांच्या पदस्पर्शाने पावन झालेले, सांस्कृतिक, सामाजिक व ऐतिहासिक वारसा लाभलेले शहर म्हणजे कल्याण शहर. या शहराविषयी आपल्याला माहिती असणं ही एक मोठी प्रेरणा ठरते. याच अनुषंगाने मराठी भाषा संवर्धन पंधरवड्यानिमित्त सार्वजनिक वाचनालयाने एक आगळी वेगळी स्पर्धा ‘माझे कल्याण शहर’ प्रश्नमंजुषा स्पर्धा आयोजित केली आहे.
ही स्पर्धा खुल्या गटासाठी असून कल्याण शहराविषयी काही प्रश्न विचारण्यात येतील त्याची अचूक उत्तरे देणे आवश्यक आहे. स्पर्धकाला कल्याण शहराविषयी माहिती देणारी दुर्मिळ पुस्तके अभ्यासासाठी मंगळवार (ता. २३)पासून वाचनालयात उपलब्ध करून देण्यात येणार आहेत. या प्रसंगी स्पर्धकांनी छायांकित प्रती काढून घ्याव्यात. स्पर्धा १८ जानेवारी रोजी वाचनालयाच्या सभागृहात सायंकाळी पाच वाजता होईल.
परीक्षकांचा निर्णय अंतिम व बंधनकारक राहील. या स्पर्धेसाठी १३ जानेवारीपर्यंत नावनोंदणी करणे आवश्यक आहे. या स्पर्धेत कल्याण शहरातील नागरिकांनी सहभाग नोंदवण्यासाठी ९३२४२७११४६ या क्रमांकावर संपर्क साधण्याचे आवाहन वाचनालयाचे सरचिटणीस भिकू बारस्कर यांनी केले आहे.