ऐरोलीत कोल्हापूरकरांचा कौटुंबिक स्नेहमेळावा उत्साहात
नवी मुंबई, ता. २७ (वार्ताहर) : कोल्हापूरकर रहिवासी विकास सेवा संस्था, नवी मुंबई व महाराष्ट्र बाजारपेठचे संस्थापक अध्यक्ष डॉ. कौतिक दांडगे यांच्या संयुक्त विद्यमाने आयोजित वार्षिक कौटुंबिक स्नेहमेळावा २०२५ रविवारी (ता. २१ डिसेंबर) ऐरोली सेक्टर ८ येथील मज्जुद्दीन हायस्कूलमध्ये मोठ्या उत्साहात पार पडला.
कार्यक्रमाचे सूत्रसंचालन सुप्रसिद्ध मराठी निवेदक संतोष लिंबोरे यांनी केले. ‘खेळ खेळू या पैठणीचा’ या उपक्रमाने कार्यक्रमात रंगत आणली. प्रमुख पाहुणे म्हणून चंद्रकांत उंडगे (मुख्य अभियंता, बृहन्मुंबई महानगरपालिका), सरदार नाळे (प्रभारी पोलिस निरीक्षक, भोईवाडा वाहतूक विभाग) व नितेश झा (वरिष्ठ व्यवस्थापक, दैनिक सकाळ) उपस्थित होते.
संस्थेचे अध्यक्ष डी. एल. भादवणकर, कार्याध्यक्ष विशाल पाटील, सचिव प्रकाश तेजम, खजिनदार रणधीर पाटील व गीतांजली माने यांच्यासह पदाधिकाऱ्यांचे सहकार्य लाभले. सांस्कृतिक, मनोरंजनात्मक कार्यक्रम, महिलांचा उत्स्फूर्त सहभाग आणि कोल्हापुरी तांबडा–पांढरा रस्सा जेवणामुळे हा मेळावा केवळ स्नेहसंमेलन न राहता प्रेमाचा उत्सव ठरला. कार्यक्रमास सकाळ मीडिया पार्टनर होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.