सुधीर बागूल यांचा रिपब्लिकन सेनेत प्रवेश

उल्हासनगर, ता. २७ (बातमीदार) : सामाजिक कार्यात सातत्याने अग्रेसर असलेले वंचित बहुजन आघाडीचे उल्हासनगरचे माजी शहराध्यक्ष तथा निर्भय सामाजिक संघटनेचे संस्थापक सुधीर बागूल यांनी आनंदराज आंबेडकर यांच्या नेतृत्वाखालील रिपब्लिकन सेनेत अधिकृत प्रवेश केला. प्रवेशामुळे उल्हासनगरच्या राजकीय व सामाजिक वर्तुळात चर्चा रंगू लागली आहे. यावेळी जिल्हाध्यक्ष आबासाहेब चासकर, जिल्हा उपाध्यक्ष प्रवीण मिर्के, उल्हासनगर शहराध्यक्ष ॲड. महेंद्र निकम, तसेच शहर संघटक संजयकुमार सोनकांबळे उपस्थित होते. बागूल यांनी २०१६ पूर्वी मनसेत कार्य केले आहे. निर्भय सामाजिक संघटनेच्या माध्यमातून बागूल यांनी महिलांसाठी, विद्यार्थ्यांसाठी आणि ज्येष्ठ नागरिकांसाठी विविध उपक्रम राबवले आहेत