आफ्रिकन टॉल मका बियाण्यांचे वितरण

आफ्रिकन टॉल मका बियाण्यांचे वितरण
रोहा, ता. २८ (बातमीदार) : तालुक्यातील पशुपालक शेतकऱ्यांना भविष्यातील चाराटंचाईवर मात करता यावी, या उद्देशाने दीपक फाउंडेशन व दीपक नायट्रेट लिमिटेड यांच्या संयुक्त विद्यमाने राबविण्यात येणाऱ्या ‘सुरभी’ सीएसआर प्रकल्पाअंतर्गत एक महत्त्वपूर्ण उपक्रम हाती घेण्यात आला आहे. या उपक्रमाअंतर्गत रोहा तालुक्यातील सुमारे ५० पशुपालक शेतकऱ्यांना आफ्रिकन टॉल मका या उन्नत चारापिकाच्या बियाण्यांचे वितरण करण्यात आले. उन्हाळ्यात निर्माण होणारी चाराटंचाई कमी करणे, दीर्घकालीन चारा उपलब्धता निर्माण करणे तसेच पशुधनाच्या आरोग्याची निगा राखून दुधाच्या उत्पादनात सातत्य ठेवणे, या उद्देशाने हा कार्यक्रम राबविण्यात आल्याची माहिती आयोजकांनी दिली.