देशविरोधी गाण्यामुळे तरुण अटकेत

देशविरोधी गाण्यामुळे तरुण अटकेत
बोळिंज, ता. ४ (बातमीदार) ः वसई पूर्वेकडील नायगाव पोलिस ठाण्याच्या हद्दीतील चिंचोटी परिसरातील एका सलूनमध्ये ध्वनिक्षेपकावर ‘कश्मीर बनेगा पाकिस्तान’ असे देशविरोधी गाणे वाजवल्याने तणाव निर्माण झाला होता. याप्रकरणी पोलिसांनी २५ वर्षीय युवकाला अटक केली आहे.
नायगाव चिंचोटी येथील करमडपाडा येथील रुहान हेअर कटिंग सलूनमधून रस्त्यावर स्पष्ट ऐकू येणारे देशविरोधी गाणे सुरू असल्याचे विश्व हिंदू महासंघाचे प्रभारी प्रदीप मिश्रा विजय यांच्या कार्यकर्त्यांच्या निदर्शनास आले होते. हा प्रकार बुधवारी (ता. ३०) नायगाव पोलिसांच्या निदर्शनास आणून देण्यात आला होता. या वेळी नायगाव पोलिसांच्या पाहणीत अब्दुल रहमान सदरुद्दीन शाह (२५) हा मोबाईल फोनवरून गाणे वाजवत असल्याचे आढळून आले. या प्रकारामुळे काही काळ तणावाचे वातावरण निर्माण झाले होते. त्यामुळे पोलिसांनी भारतीय न्याय संहिता (BNS) कलम १९७(१)(d) अंतर्गत राष्ट्रीय एकतेला बाधा आणणारे कृत्य केल्याप्रकरणी गुन्हा दाखल केला आहे.