चारोटी नाक्याजवळ उभ्या ट्रकला आग

कासा (बातमीदार) ः मुंबई-अहमदाबाद राष्ट्रीय महामार्गावर चारोटी टोलनाक्याजवळ शुक्रवारी (ता. ९) मुंबई वाहिनीवर उभ्या असलेल्या मालवाहू ट्रकला अचानक आग लागली. यात मात्र ट्रक व त्यातील एसीने भरलेला माल पूर्णपणे खाक झाल्याने मोठे नुकसान झाले आहे. मिळालेल्या माहितीनुसार, ट्रक हा गुजरातहून मुंबईकडे जाणारा माल घेऊन चारोटी टोलनाक्याजवळ थांबला होता. ट्रक चालक दीपक महेपाल सिंग वाहन रस्त्याच्या बाजूला लावून गाडीत झोपला असताना शॉर्टसर्किटने आग लागली.