उद्याचे मतदान हे लुटारुंच्या विरोधातील लोकशाही वाचवणारे : प्रकाश आंबेडकर

हे मतदान लोकशाही वाचवणारे
भिवंडीत प्रकाश आंबेडकर यांचे प्रतिपादन

भिवंडी, ता. ११ (वार्ताहर) ः उद्याचे होणारे मतदान लुटारूंविरोधात लोकशाही वाचवणारे मतदान असणार आहे. यासाठी समाजाने सतर्क राहून मतदान करण्याची गरज असल्याचे प्रतिपादन वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांनी केले.
रविवारी शहरातील मानसरोवर येथील महात्मा फुले चौकात बहुजन विकास आघाडीच्या उमेदवारांसाठी आयोजित प्रचार सभेत बोलत होते. या वेळी पालिका निवडणुकीतील आठ उमेदवारांसह मोठ्या संख्येने कार्यकर्ते उपस्थित होते. कार्यकर्त्यांनी लक्षात ठेवलेल्या निशाणीची नशा १५ तारखेला मतदान केल्यावरच उतरली पाहिजे. मतदार निवडणुकीत क्षणिक सुखाच्या मागे धावतो, म्हणून समाज फसवला जातो. या फसवेगिरीपासून सावध राहण्याची गरज आहे. सर्वसामान्यांच्या अडीअडचणीत धावून येणारा लोकप्रतिनिधी निवडून दिला पाहिजे, असे आवाहन ॲड. प्रकाश आंबेडकर यांनी केले.