टोलनाक्याच्या मुद्द्याला बगल

टोलनाक्याच्या मुद्द्याला बगल
भाजप-शिवसेनेने जाहिरनाम्यातून वगळले
भाईंदर, ता.१३ (बातमीदार): दहिसर टोलनाक्यावरील वाहतूक कोंडी मिरा भाईंदर शहरातील एक महत्त्वाची समस्या आहे. हा मुद्दा प्रत्येक निवडणुकीत राजकीय पक्षांकडून उपस्थित होतो. परंतु, मिरा-भाईंदर पालिका निवडणुकीच्या प्रचारादरम्यान भाजप, शिवसेनेने या मुद्द्याला बगल दिल्याचे चित्र आहे.
दहिसर टोलनाक्यावर होत असलेली वाहतूक कोंडी सर्वसामान्यांसाठी डोकेदुखी बनली आहे. सकाळी, सायंकाळी होत असलेल्या कोंडीमुळे पाऊण ते एक तास वाया जातो. प्रत्येक विधानसभा, महापालिका निवडणुकीत राजकीय पक्षांकडून मुद्द्याचे भांडवल केले जाते. दहिसर टोलनाका बंद करणार, स्थलांतर, वाहतूक कोंडीतून मुक्ती देणार अशी आश्वासने आहेत. मात्र, महापालिका निवडणुकीत काँग्रेसचा अपवाद वगळता भाजप, शिवसेनेला मात्र मतदारांशी निगडीत मुख्य समस्येचा विसर पडल्याचे चित्र आहे.