कल्याण पूर्वेत निवडणूक बंदोबस्ताला रूट मार्च

कल्याण पूर्वेत पोलिसांचा रूट मार्च

कल्याण, ता. १४ (बातमीदार) : महानगरपालिका निवडणुकीच्या पार्श्वभूमीवर कल्याण पूर्वे येेथील कोळसेवाडी पोलीस ठाण्याच्या माध्यमातून रूट मार्च काढण्यात आला होता. वरिष्ठ पोलीस निरीक्षक हेमंत गुरव आणि पोलीस निरीक्षक (प्रशासन) नाईक यांच्या उपस्थितीत शहरातील मुख्य स्त्यांवरून हा मार्च काढण्यात आला.
निवडणुकीच्या काळात कल्याण पूर्वेत जादा पोलीस बंदोबस्त तैनात करण्यात आला असून, प्रत्येक चौकात अनुचित प्रकार टाळण्यासाठी चोख बंदोबस्त ठेवण्यात आला आहे. यामुळे सर्व हालचालींची माहिती वरिष्ठ अधिकाऱ्यांपर्यंत पोहोचणार आहे. मतदानाच्या दिवशी कोळसेवाडी पोलीस ठाण्यांतर्गत २६ अधिकाऱ्यांसह ५५० कर्मचारी तैनात असतील. पोलिसांच्या रूट मार्चमुळे नागरिकांमध्ये सुरक्षिततेची भावना निर्माण होऊन भयमुक्त वातावरण तयार होते. ज्यामुळे कायदा व सुव्यवस्था मजबूत राहते; संवेदनशील भागात गुन्हेगारी रोखण्यास मदत होते. रूट मार्च काढल्याने पोलिसांची उपस्थिती दिसून येते, जागरूकता वाढते आणि शांतता राखण्याचे आवाहन प्रभावीपणे केले जाते.