खोपोलीतील ‘शिवसृष्टी’ प्रकल्पाला वेग

खोपोलीतील ‘शिवसृष्टी’ प्रकल्पाला वेग
नगराध्यक्ष शेंडे यांनी घेतला कामाचा आढावा
खालापूर, ता. १५ (बातमीदार) : खोपोली नगर परिषदेच्या हद्दीत शिळफाटा येथे उभारण्यात येत असलेल्या ‘शिवसृष्टी’ प्रकल्पाला गती मिळत आहे. छत्रपती शिवाजी महाराजांच्या अश्वारूढ पुतळ्याभोवतीचा परिसर आकर्षक बनविण्यासाठी विविध कामे सुरू आहेत.
या कामांची पाहणी नगराध्यक्ष कुलदीपक शेंडे यांनी आज केली. या वेळी नगर परिषदेचे मुख्याधिकारी डॉ. पंकज पाटील, नगरसेविका अनिता पवार व उज्वला महाडिक, नगरसेवक संदीप पाटील व अनिल सानप, अभियंता तसेच संबंधित ठेकेदार उपस्थित होते.
दरवर्षी १९ फेब्रुवारी शिवजयंतीच्या दिवशी मध्यरात्री १२ वाजता या ठिकाणी आयोजित महाआरतीला हजारो शिवप्रेमी मोठ्या संख्येने हजेरी लावतात. त्यामुळे शिवसृष्टीचे काम वेळेत आणि दर्जेदार पद्धतीने पूर्ण व्हावे, अशा सूचना नगराध्यक्ष शेंडे यांनी दिल्या.