खेळाडू संकटात डगमगत नाही

खेळाडू संकटात डगमगत नाही
पालघरमध्ये राज्य क्रीडा दिन उत्साहात साजरा
पालघर, ता.१५ (बातमीदार)ः कुठलेही संकट आले खेळाडू डगमगत नाही. मात्र, अभ्यासू विद्यार्थ्याला कमी गुण प्राप्त झाले तर खचून जातो. पण खेळाडूंचे तसे धैर्याने आलेल्या संकटास सामोरे जातो, अशी जडणघडण खेळाडूची असते. त्यामुळे कला, क्रीडा, नोकरी, व्यवसाय क्षेत्रात खेळाडू यशस्वी होतात, असे प्रतिपादन दांडेकर महाविद्यालयाचे प्राचार्य डॉ. किरण सावे यांनी राज्य क्रीडा दिनानिमित्त केले.
ऑलम्पिक वीर खाशाबा जाधव यांच्या जयंतीनिमित्त पालघरमध्ये राज्य क्रीडा दिन मोठ्या उत्साहात साजरा करण्यात आला. कार्यक्रमाच्या उद्घघाटन डॉ. किरण सावे यांच्या हस्ते करण्यात आले. खाशाबा जाधव हे नाव क्रीडा क्षेत्रातील ऊर्जा आहे. ऊर्जेचे रूपांतर खेळांमधील पदकांमध्ये करावे.तसेच ऑलिम्पिक व आंतरराष्ट्रीय स्तरापर्यंत पोहोचण्यासाठी प्रयत्न करावे, असेही सावे यांनी सांगितले. यावेळी दांडेकर महाविद्यालय व जिल्हा क्रीडा संकुल येथे सॉफ्ट बॉल, कबड्डी बॅडमिंटन, व्हॉलीबॉल स्पर्धा झाल्या आहेत.
------------------------------------
खाशाबा जाधव यांना अभिवादन
पालघर जिल्ह्यातील राष्ट्रीय खेळाडूंचा तसेच राष्ट्रीय आंतरराष्ट्रीय क्रीडा मार्गदर्शक, पंच यांचा सत्कार करण्यात आला. तसेच पालघर जिल्ह्यातील सर्व शाळा व महाविद्यालयांनी खाशाबा जाधव यांची जयंतीनिमित्त राज्य क्रीडा दिन साजरा केला. यावेळी दांडेकर महाविद्यालयाचे उपप्राचार्य डॉ महेश देशमुख, दांडेकर महाविद्यालयाचे क्रीडा संचालक संतोष चुरी, सत्तू कदम महाविद्यालयाचे प्रीतम घरत उपस्थित होते.