पोलीस कर्मचाऱ्याची सोनसाखळी लंपास

पोलीस कर्मचाऱ्याची सोनसाखळी लंपास
ठाणे : शेअर रिक्षातून प्रवास करताना एका महिलेने हातचलाखीने सहप्रवासी महिलेच्या गळ्यातील ७० हजार रुपये किमतीची सोन्याची साखळी चोरल्याची घटना समोर आली आहे. विशेष म्हणजे, तक्रारदार प्रज्ञा मगर (५८) या ठाणे पोलिस आयुक्तालयात वरिष्ठ लिपिक म्हणून कार्यरत आहेत. मंगळवारी (ता.१३) सकाळी बाळकुम नाक्यावरून रिक्षाने कार्यालयाकडे जात असताना, त्यांच्या शेजारी ३ वर्षांच्या मुलासह एक महिला बसली होती. कार्यालयात पोहोचल्यावर मगर यांना गळ्यातील साखळी गायब असल्याचे जाणवले, मात्र साखळीचे हिऱ्याचे पेंडंट तिथेच मिळून आले. गर्दीचा फायदा घेऊन शेजारील महिलेनेच चोरी केल्याचा संशय व्यक्त करण्यात आला असून, कापूरबावडी पोलीस अधिक तपास करत आहेत.