तेरा लाखांचा मद्यसाठा जप्त

१३ लाखांचा मद्यसाठा जप्त
पालघर, ता. १८ ः महाराष्ट्र- गुजरातच्या सीमा तपासणी नाक्यावर अवैध तस्करी करणाऱ्या मद्यसाठ्यावर उत्पादन शुल्क विभागाने कारवाई केली. या कारवाईत १३ लाखांच्या जवळपासचा मुद्देमाल जप्त केला आहे.
केंद्रशासित प्रदेशातील मद्यसाठा तस्करी केली जाणार असल्याची माहिती उत्पादन शुल्क विभागाला मिळाली होती. त्यानुसार उत्पादन शुल्क विभागाचे पालघर विभागाचे अधीक्षक गणेश बारगजे, उपअधीक्षक अविनाश रणपिसे यांच्या पथकाने तलासरी तालुक्यातील कवाडा ठाकरपाडा येथे पथकाने सापळा रचला. चारचाकी वाहनातून अवैध मद्यतस्करी सुरू असल्याचे दिसून आले. या वेळी २५९ लिटर मद्य, ७५६ बल्क लिटर बियरचा १३,२७,४८० रुपयांचा मुद्देमाल जप्त करण्यात आला. या प्रकरणात तलासरी पोलिस ठाण्यात शनिवारी एकावर गुन्हा दाखल करण्यात आला आहे.