स्व. विद्या राऊत यांच्या स्मृतींना उजाळा
स्व. विद्या राऊत यांच्या स्मृतींना उजाळा
विकास एज्युकेशन सोसायटीत आदरांजली कार्यक्रम
घाटकोपर, ता. २० (बातमीदार) : विक्रोळीतील विकास एज्युकेशन सोसायटीच्या माजी मुख्य कार्यकारी अधिकारी स्वर्गीय विद्या प. राऊत यांच्या ८१व्या जयंतीनिमित्त संस्थेच्या सर्व शैक्षणिक संकुलांमध्ये आदरांजली कार्यक्रम पार पडला. आदर्श शैक्षणिक दूरदृष्टी, स्वावलंबन, शिस्त आणि सेवाभाव या मूल्यांचा संगम असलेल्या स्वर्गीय राऊत यांच्या व्यक्तिमत्त्वातील गुणांना विविध विभागांमार्फत उजाळा देण्यात आला. त्यांच्या विचारधारेतून विद्यार्थ्यांना मूल्याधिष्ठित शिक्षणाचे महत्त्व पटवून देण्यात आले.
कार्यक्रमात संस्थेचे विश्वस्त, पदाधिकारी, शिक्षकवृंद तसेच शिक्षकेतर कर्मचारी मोठ्या संख्येने उपस्थित होते. या वेळी स्वर्गीय राऊत यांच्या प्रतिमेला पुष्पहार अर्पण करून अभिवादन करण्यात आले. पूर्व प्राथमिक स्तरापासून ते महाविद्यालयीन विभागांपर्यंतच्या विद्यार्थ्यांना त्यांच्या शैक्षणिक कार्यप्रवासाची, दूरदृष्टीची तसेच सेवाभावी व मूल्यनिष्ठ नेतृत्वशैलीची सविस्तर माहिती देण्यात आली.
शैक्षणिक, बौद्धिक उपक्रम
जयंतीनिमित्त संस्थेमध्ये विविध शैक्षणिक, बौद्धिक आणि तंत्रज्ञानाधारित उपक्रमांचे आयोजन करण्यात आले. यामध्ये डिजिटल बोर्ड व स्मार्ट टीव्हीचे उद्घाटन, आय.टी. चॅम्प स्पर्धा, पुस्तक परीक्षण तसेच वक्तृत्व स्पर्धांचा समावेश होता.
फोटो - 973
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.