आयुष्यवर कौतुकाचा वर्षाव

आयुषवर कौतुकाचा वर्षाव
आमदार, महापौरांकडून कुटुंबीयांचे अभिनंदन
विरार, ता. ८ (बातमीदार) ः वसई-विरारच्या प्रथम नागरिक महापौर अजीव पाटील यांनी विश्वविजेता संघाचा कर्णधार आयुष म्हात्रेच्या घरी जाऊन त्याचे कौतुक केले. तर वसईच्या आमदार स्नेहा दुबे-पंडित यांनीदेखील कुटुंबीयांचे अभिनंदन केले आहे.
भारताच्या अंडर-१९ संघाने इंग्लंडवर विजय मिळवून सहाव्यांदा विश्वचषकाचा मानकरी ठरला. वसईचा आयुष म्हात्रे संघाचा कर्णधार असल्याने त्याच्या घरच्यांचेही कौतुक होत आहे. वसई-विरार महापालिकेचे महापौर अजीव पाटील यांनी शनिवारी (ता. ७) आयुषच्या कुटुंबीयांची भेट घेऊन भारताच्या विजयातील त्याच्या नेतृत्वगुणांचे कौतुक केले. तसेच त्याच्या क्रिकेटमधील जडणघडणीत मोठे योगदान असलेल्या आजोबांशी संवाद साधला. तर वसईच्या आमदार स्नेहा दुबे-पंडित यांनी आमच्या वसईकर आयुष म्हात्रेचा अभिमान असल्याचे आवर्जून सांगितले.