पोलिस भरतीकडे तरुणांचा कल

पालघर (बातमीदार) ः पालघर जिल्ह्यातील पोलिस पदाच्या १७५ जागांसाठी ९,१०१ अर्ज दाखल करण्यात आले आहेत. या भरतीसाठीची मैदान चाचणी बुधवार (ता. ११) ते बुधवार (ता. २५)दरम्यान जिल्ह्यातील कोळगाव येथील पोलिस परेड मुख्यालयाच्या मैदानावर होणार आहे. जिल्ह्याच्या ग्रामीण भागातून तसेच अन्य ठिकाणाहून येणाऱ्या पोलिस भरतीच्या उमेदवारांच्या सोयीसाठी पालघर रेल्वे, एसटी स्थानक येथे पोलिस भरती हेल्प डेस्क मदत कक्ष उभारण्यात आला आहे. तसेच पालघर रेल्वे स्थानक, बस स्थानकावर उमेदवारांसाठी सूचनांचे फलक लावण्यात आलेले आहे. पालघर जिल्हा पोलिस दलाकडून लांबून येणाऱ्या उमेदवारासाठी पालघरच्या हुतात्मा चौकाजवळील अंबा माता मंदिर येथील सभागृहात महिला उमेदवारांसाठी राहण्याची व्यवस्था केली