पालघर नगरपरिषदेत विकासकामांचा धडाका

पालघर नगर परिषदेत विकासकामांचा धडाका
पालघर, ता. ९ ः नगर परिषदेत नगराध्यक्ष, विविध समिती, नगरसेवकांची कार्यकारिणी बसल्यानंतर शहरातील प्रलंबित विकासकामांच्या भूमिपूजनाला सुरुवात झाली आहे. सोमवारी नगर परिषदेच्या कार्यकारिणीने एकत्रित येत अल्याळी परिसरातील आठ विकासकामांचे भूमिपूजन केले.
अल्याळी नवापाडा तलाव सुशोभीकरण, भरवाडपाडा समाजमंदिर, नवापाडा व्यायामशाळा बांधणी, विपश्यना केंद्रामागील गटार बांधणे, बसथांब्यापर्यंत गटार बांधणे, एकनाथ भोईर यांच्या घरापर्यंत गटार बांधणे, ब्रह्मनगर भैय्यापाडा येथे अंतर्गत गटार बांधणे, हनुमान मंदिर परिसरात समाजमंदिर बांधणे, अशा विविध कामांचे भूमिपूजन नगराध्यक्ष उत्तम घरत, उपनगराध्यक्ष राजेंद्र पाटील, बांधकाम समिती सभापती चंद्रशेखर वडे, आरोग्य सभापती अमोल पाटील, मुख्याधिकारी प्रशांत जाधव यांच्या उपस्थितीत पार पडले. या वेळी गटनेते भावानंद संखे, डॉ. उज्ज्वला काळे, राहुल पाटील, स्थानिक नगरसेवक धर्मेंद्र भट, आरिफ कलाडिया, जस्विन घरत, राधा मानकामे पामाळे, मेघा आघाव आदी उपस्थित होते.