शीळफाटा येथे तरुणावर चाकू हल्ला प्रकरणी चार जणांवर गुन्हा दाखल,

तरुणावर चाकू हल्लाप्रकरणी चार जणांवर गुन्हा दाखल
कळवा, ता. १० (बातमीदार) ः जुन्या भांडणाचा राग मनात धरून शीळफाटा येथील तरुणाला चौघांनी मारहणा करुन जीवघेणा हल्ला केल्याची घटना घडली आहे. रविवार (ता. ८) रात्री दहाच्या सुमारास ही घटना घडली होती. या प्रकरणी शीळ डायघर पोलिसांनी चौघांवर गुन्हा दाखल केला आहे.
हरून उस्मान शेख (वय २१) कामावरून कसवा प्लाझा येथे आपल्या घरी जात असताना आरोपी अख्तर याने हरून याला एम.एस. कंपाउंड महिनुर बिल्डिंग येथे भेटायला बोलवले आणि जुन्या भांडणाचा विषय उकरून पोलिसांत तक्रार केल्याचा जाब विचारला. अख्तरने आपले इतर साथीदार सलमान, समीर, मुसा यांना बोलवून हरून याला मारहाण केली चाकूने जीवघेणा हल्ला केला. याची माहिती मिळताच हरूनचा भाऊ मोहम्मद सोडवायला गेला असता त्यालाही मारहाण करण्यात आली. पोलिसांनी हरून याला शिळफाटा येथील क्वीन्स रुग्णालयात दाखल केले व तेथून उपचारासाठी कळव्यातील छत्रपती शिवाजी महाराज रुग्णालयात उपचार दाखल करून उपचार सुरु केले आहेत.