भिवंडी, ता. १० (बातमीदार) : भिवंडी महापालिकेची १५ जानेवारीला झालेली सार्वत्रिक निवडणूक संपल्यानंतर उमेदवारांनी एक महिन्याच्या आत निवडणूक खर्चाचा हिशेब सादर करणे बंधनकारक आहे. मात्र, २८ उमेदवारांनी अद्याप हिशेब सादर न केल्याने निवडणूक खर्च तपासणी पथकाने त्यांना नोटीस बजावली असून पुढील कारवाईची शक्यता वर्तवली जात आहे.
निवडणुकीत २३ प्रभागांतील ९० वॉर्डांमध्ये एकूण ४३८ उमेदवारांनी निवडणूक लढविली होती. निकालानंतर अनेक उमेदवारांनी आपले खर्च विवरण वेळेत सादर केले. मात्र, निकाल जाहीर होऊन महिन्याहून अधिक कालावधी लोटूनही २८ उमेदवारांनी हिशेब दिला नाही. सूत्रांच्या माहितीनुसार, या २८ उमेदवारांमध्ये काही प्रमुख उमेदवारांचाही समावेश आहे. पराभवामुळे हिशेब सादर करण्यात टाळाटाळ होत असल्याची चर्चा आहे. तर काही उमेदवार जाणीवपूर्वक विलंब करत असल्याचेही सांगितले जात आहे. या पार्श्वभूमीवर निवडणूक खर्च तपासणी पथकप्रमुखांनी संबंधित उमेदवारांना नोटीस पाठविल्या आहेत. नोटीस मिळालेल्यांमध्ये ११ महिला आणि १७ पुरुष उमेदवारांचा समावेश असल्याची माहिती पालिकेच्या लेखा विभागातील सूत्रांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.