पश्चिमेत पथदिवे सुरू करण्यासाठी स्थानिक पुढाकार यशस्वी

टिटवाळ्यात पथदिव्यांची दुरुस्ती

टिटवाळा (वार्ताहर) : टिटवाळा पश्चिमेकडील खांब क्रमांक चार परिसरातील जानकी, केदारनाथ, गीतांजली, माउली धाम तसेच गजानन चाळ रोड या भागात गेल्या काही दिवसांपासून पथदिवे बंद होते. त्यामळे नागरिकांना अडचणींचा सामना करावा लागत होता. याबाबत वंचित बहुजन आघाडीचे वॉर्ड क्रमांक आठचे अध्यक्ष विनोद लोखंडे यांनी संबंधित विभागाशी संपर्क साधून ही बाब त्यांच्या निदर्शनास आणून दिली. त्यांच्या पाठपुराव्यानंतर तांत्रिक कर्मचाऱ्यांनी घटनास्थळी भेट देत पथदिव्यांची दुरुस्ती सुरू केली आहे. दरम्यान, परिसरातील नागरिकांनी पुढील काळात अशा समस्या उद्भवू नयेत, यासाठी प्रशासनाने नियमित देखभाल आणि तत्पर सेवा द्यावी, अशी मागणी नागरिकांनी केली आहे.